انا مش قادرة افهم؟....ايه اللي بيضايقك لما تقول او تسمع الكلام ده!!!!
الّلي فيكي اصله فيا
واللّي على جبينك
مكتوب من زمن في عينيا
والفرق بيني وبينك
ان انتي عنـــدّية
انا للحياة من بدري بسلّم
وتدوس عليّا كتير….لكني ما اتكلم
وابيع امل للغير….وعمري ما اتعلم
وانشر بذور الخير….وانا اللي متالم
انا لما بحب بتوّلد من جديد
بنسى الدنيا والماضي البعيد
واعيش على قد عمري ما يقدر يزيد
كارمن يا غجرية؟؟؟!!.... انا بنت مصرية
وعينيك دي مصرية
وانا لما احب.....بتسجن وبسور حديد
بلّفه حـــــــــــــــــواليّا
انا اصلي غيرك..اصل انتي عنديّة
طول عمري عندية
بخاف على طيري
لا يلوف على غيري
لكنّي عمري ما احبسه
جوّه اراضيّا
والله عندية
الحب عندي هواية ... غيّة
يمكن انا عاشق...زيك لنور حرية
يمكن انا سارق..من الدنيا خطاويّه
لكين ماهوش فارق…والسور ده حواليّا
والعند لو عندي…انط برة السور
وينط من بعدي…اللي عليه الدور
ممكن يكون ودّي..ويمكن يكون النور
ياللّي بنيت سدّي…..انا قلبي ليه مكسور؟
قلبك ماهوش مكسور….يمكن يكون ماسوور
عطشان لحبّة نووور
وانا عندي حنّية
تهد اي سووور
وتغطي كل النور
وتيجي خطاويك…..تلامس خطاويّا
ونغني سوا اغنية
غنيلي يا صبية
مات الكلام في عينيا
غنيلي يا صبية
هنغني سوا اغنية
نغزل خيوط الليل
نعملها كوفية
تدفي ليلنا الطويل
وتطلع شمسنا ديّة
غنّي معايا وقووول
غنيلي يا صبية
خدي راسي على حجرك
وغني ليّا شوية
مشتاق انا لفجرك
والحزن ده فيّا
يا حبيبي والعيون السووود
وطابع الحسن عالخدوود
صوتك..ودقة ايديك عالعود
وعودك نباهي بيه الفل والعووود
غنيلي يا صبية
عدّي أيد يكي في شعري
وصحّي الحنين فيّا
ودنيتي في العينين السود
والحنين ده ليّا
ياللّي انت مغروس فيّا
مين اللي بدّر الحب
ولا كانش في النيّة
يكون ده الشبّ
لدي الصبية
صوتك ماهوش مكسور…
يمكن صحيح ماسور
وبراحه في عينيا
دي مشيئة إلهية
ضميني يا صبية
برداااااااان
يا حبيبي!!!...بردان…سقعان
كان فين ده كله من زماااان
خبيته ورا القضبان
ورا سور بنيته بايديا
دفيني يا صبية
غنيلي طب اغنية
صوتك ماهوش مكسور…
يمكن صحيح ماسور
وبراحه في عينيا
دي مشيئة إلهية
ضميني يا صبية
برداااااااان
يا حبيبي!!!...بردان…سقعان
كان فين ده كله من زماااان
خبيته ورا القضبان
ورا سور بنيته بايديا
دفيني يا صبية
غنيلي طب اغنية
فيها ليل وعوود
وحاجات كتير فيّا
يمكن اعوود
ويعود امل ليّاااااا
ساكته ليه..ما تغني
غنّي يا عنــــــــدّية
وحاجات كتير فيّا
يمكن اعوود
ويعود امل ليّاااااا
ساكته ليه..ما تغني
غنّي يا عنــــــــدّية
* ملحوظة: اللوحة تجسد كارمن وانا المرة دي اللي مختارها ومرّتب...قلت هو يريح هي شوية عشان ماتشتكيش...تعاون بقى ...بس يا رب اختياري يعجبكم زي اختيارات وئام الجميلة*
frozen love
-----------
we2am
25 comments:
جميلة قوي
انت و وئام احلى من بعض
بجد حلوة أوي
و حلو أوي إختيار كارمن
بجد بعشق شخصية كارمن
ناقصكوا أغنية لمنير تشتغل في البلوج
الكلام اللي انت كاتبه جميل اوي يا فروزن..واللوحة كمان تحفة..احييك..و باقترح اغنية عندية لمنير..لو انت و وئام توافقوا يعني..هي مين دي اصلا؟ :D
لاء بجد ثبتوني .. حلو قوي .. عبقري
وفي كلام كتير موت عجبني فمش حينفع اخرج اجيب القصيدة كلها واحطها في الكومنت واقول عجبتني
طيب اقولكوا اية مفيش كلام ينفع .. كلامك حلو زي كل مرة يا وئام .. حامد طبعا عبقري
والهارموني اللي فيها بجد مش ممكن
حلوة الصورة يا حامد :)
كلبوزة:
متشكر ليكي قوي...ومنورة البلوج
مصري:
الله يخليك..كارمن لازم تتحب رغم ابعاد الشخصية الدي..وعمرك اطول من عمرنا..كنا هنحط اغنية منير..شكرا ليك
وئام:
ahlan beky kdefa 3zeza fe elblog bta3y...looooooool
lamia:
s3ed eno 3gbk wlahy...we atmna ykon et7snna 3n elmra ely fatt..we shkran awy 3la r2yk fe elsora
:)
i like thsi one !
I love the picture as well! and love the rebeillious spirit!
just a comment..the refrain if I may call it so.. repeating "yya 3enadya".. by the other half of the poem has just disappeared..or let's say not repeated like the first half..! just something i felt missing..or needed to be stressed more..
otherwise..I love it just as it is!
:) lovely, folks..keep it up ya shabab
epi:
thanks so much for ur opinion about the poem and the pic,,,
and ur note is so brilliant but actually we wrote it at the first trial with a lot of "ya 3ndya"...and when we made athat reduction we felt it better like that...actually ana b3ed elnzr feha now after ur note..thx again for it
انتوا بجد جامدين جدا مع بعض..حلوة جداااا
nour:
alla ykhleky dayman mshg3ana kdaa
من اروع ما قرات عيناي من قصائد الحب و الغزل الجميل المشتركة
بجد
ادعي ربي انكوا تكلموا المشوار ده لاني واثقة و بشدة انك يا فروزن مع وئام حتحيوا نوع كتابي ادبي جديد من بعد طول غياب و حيكون لكوا دور الريادة فيه
فيا ريت لو بسرعة تبتدوا في المشروع ده
بس بجد
انتوا الاتنين روعة
سطلتونيييييي
حفصوتشا:
ده انتي اللي سطلتيني والله برايك ده..اتمنى يبقى نوع جديد فعلا من الكتابة وبشكرك جدا جدا على رايك ده ومبسوط قوي انه عجبك للدرجة دي
:)
كل سنه وانتم طيبين
حلوووووووو
احلى من اللى قبلها
بجد عقدتونا :P
lion king:
وانت طيب يا باشاا..وكلنا بخير ان شاء الله
emz:
thx a lot..shhada n3tz beha....glad enha a7san mn ely fate..thxxxx
w ana b2ra el poem ..2ftkrt song moneer ya 3ndya :)
el poem 7lwa 2wii ya gm3a ..kont b7awl ageeb 2ktr 7ta 3gbtny bs l2tny hgeeb el poem kolha fmesh hst3bt ye3ni:)
elo7a 7lwa ya frozen luv tshbh 27'terat we2am elgmela
shaimaa:
thx awy awy 3la r2yk fe elpoem..we enha 3gbtk klha leldrgade...we mbsot eny ello7a tl3t 7lwa ""zy ekhtyartha""..lol,
nwrtenaa..thxx
gameel awi...
el7ewar shedeed awi zay maykoon duet beyetbadlo el melody..we yetshabko f harmony lazeez ...wel7ewaar yentehi bnaghama menhom ba3d eltanya matsara2et men gheer elsamee3a may7esso beeha..!
"قلبك ماهوش مكسور….يمكن يكون ماسوور
عطشان لحبّة نووور
وانا عندي حنّية
تهد اي سووور
وتغطي كل النور
وتيجي خطاويك…..تلامس خطاويّا
ونغني سوا اغنية
"
gameela awi di...
keep it up frozen & we2am..!
el2hwagi:
thx so much for that opinion...we gamel enk 7set bharmony benna..we nwrt elmdwna we thx 3la tshge3k lena
حلو فعلاً يا وئـام .... ولا إيه ؟؟؟؟
ولا ده حـد تاني ؟؟؟ ، إنتا و هيا ؟؟ ، ولا هيا و هوا ؟؟
مش عارف ، هيا الزيارة الأولى لي هنا ، لكنها ( أثق ) لن تكون الأخيرة !!!
offff!!!!
to7fa .... katabtoha ezaaaaaaay de :D
ابراهيم:
نورتنا اولا..وثانيا شوف يا سيدي احنا اتنين..انا ووئام بنكتب كتابة تفاعلية وبنرد على بعد حتى هتلاقي كل واحد بلون..هو...وهي..انا ووئام...سعيد انه عجبك وبشكرك مرة اخرى
تحياتي
klma:
enta lessa sa7y now..lol
de b2alha kter t7n..thx ya sh2ee2...shg3ona kda we7na hnkhrbha isa
اشكرك انك وصفت البنت المصرية بالعند واعتقد ان هذا اجمل ما فيها
وعيد مبارك
malk:
ana ely bshkrk 3la ur comment..we mtfk m3aky tb3an..el3nd agmal 7aga fe elbnt elmsryaaa
انا بجد اتبهرت من سلاسة كلامك و انسيابه بشكل تلاقائى و عامى جميل جداص و يوصل للقلب بسهوله
يانهار ابيض
ايه الجمال ده
تحفة بجد
دى أول مرة ليا فى مدوناتكم والمدونة المشتركة وإن شاء الله مش آخر مرة
سلام
Post a Comment