Sunday, December 10, 2006

ان ماشلتكش الارض..





ان ماشلتكش الارض
نشيلك في حضننا
وتمشي في العروق
بداله دمنا

ليه مبتعديش؟
ده فاضي قلبنا
عايز اللي يجي..يقعد

ما يطاطيش
ولا ينحنيش
و اللي يجي ...هايعيش

ان ماشلتكش الارض
نشيلك في حضننا


حاسك لسة جواكي كلام؟
اه لسة
جوايا كلام يهزنا
لو قلناه...مبنقولوش
خايفين يغرنا:

كلامنا عمره ما اتقال
بيوصل للشفايف
ويتحبس في الحال
من القلب خارج خايف
ومعاه اكبر سؤال!!

بيخرج من قلوبنا ولا بنقولوش
ومع كلامنا دوبننا..ولا عدناهوش

لسه كلامها كلامنا
و الكل زينا..مننا

ان ماشلتكش الارض
نشيلك في حضننا

خليك معانا...في حلمنا
الترعة..والساقية..والبيت القديم في الغيط
خليك جنبنا
كلامنا اصله بسيط

بيشيل همومنا وذلنا

بنحبك ...ايوه مبنخبيش

ليه مبتعديش؟
ده فاضي قلبنا
عايز اللي يجي..يقعد
ويعيييش


فرحك فرحنا
وحزنك حزننا

ان ماشلتكش الارض
نشيلك في حضننا


ماتخافش
الساقية مبتقفش
بتدوووور
والرحاية مبتسكتش
بتثوووووووور
بتطحن همنا
وبتكسر حزننا
والغم ده ... يغووور

والشمس؟
الشمس اصل النور
بتشق قلب الغيم
وبيتنا القديم
احلى من بيتنا ده
والشارع المجروح
وكلامي وكل ده
بيغسل ساعات الروح
وانت وانا
واحنا كلنا

ان ماشلتكش الارض
نشيلك في حضننا

لا...لا تروح
لسة في القوس الوان
ولسة في حضن الام...امان
ولساك يا انسان...انساااان

والحكاوي القديمة...حتة مننا
والكون براح..مفتوح لنا
انت..وانا
واحنا كلنا
جرب
وان ماشلتكش الارض
نشيلك في حضننا
we2am
frozen love
اللوحة:محمد صبري

9 comments:

shimaa said...

gmela 2wii

LAMIA MAHMOUD said...

nice ya we2am w ya 7amed but i think 2ly 2blha kanet 27la
but well done ya gma3a

emz said...

gameeeeeel..
keep goin ..
cant wait for the next post!

Anonymous said...

اللوحة المحطوطة خدت عيني شوية
فعلا إختيارها جميل خدت مني حوالي ربع ساعة قبل ما أقرى

و بعد ما قريت إكتشفت إن مش اللوحة بس اللي حلوة

frozen love وئام و

بجد إحنا كسبنا مدونة جميلة جدا

smraa alnil said...

بصي تعالي اشيلك واهتف بيكي دة ان مشالتكيش الارض يشيلك كتفنا
بجد كلام جميل اوي ورائع
عجبني جدا
تحياتي

We2am said...

shemo
ربنا يجبر بخاطرك يا بنتي:))

lmy
هنحاول نزبط فعلا :S
مشكرين اوي..بس انتي اللي عاطشفية تقريبا!:D

بنت عادية
ممنونين جدا..والله كلام الشكر خلص :D
ياه..قدامك وقت بقي براحتك:D

مصري
بص يا سيدي..انا اللي باختار الالوان و الترتيب و اللوحة..و نص الكلام مثلا..فروزن ده ضيف هنا:D
مشكرين اوي..يارب دايما

سمراء النيل
ربنا يكرمك و يجبر بخاطرك فعلا..مبسوطة انه عجبك..انا و فروزن بنعرف نكتب سوا..انا التركواز و هو الابيض..تابعينا بقي :))

Anonymous said...

well.it's a nice one...the interaction is going on well..! though the first one was more powerful somehow... ! but also..this one is a good one as well...

nice work ya shabaaab!

Anonymous said...

وئام الجميلة ..
عجبنى جدا البوسط ..
و انا اللى عايز أقولك ..
ان ما شلتكيش الأرض .. هاعملك ايه يعنى .. اذا كان الجاذبية الأرضية ما نفعتش معاكى ..
قنديل

We2am said...

epi
ur new nickname is just cute..congrts :))
mm..yeah..ppl said that..we will try to fix it isa fel nxt post..

2ndel(belhmza :D)
ربنا يجبر بخاطرك يا شيخ..ياااه.انت ماتعملش حاجة خالص.."ياخدم"!! :D